Ռուսաստանը կտրականապես դեմ է Ուկրաինային ՆԱՏՕ-ի մեջ ներքաշելու փորձերին: Այդ մասին, ինչպես տեղեկացնում է ՌԴ-ի արտաքին գործերի նախարար Սերգեյ Լավրովը:
«Ուկրաինային ՆԱՏՕ-ի մեջ ներքաշելու փորձերը խիստ բացասական կլինեն եվրոպական անվտանգության ողջ համակարգի համար, և մենք կտրականապես դեմ կլինեինք դրան»,-ընդգծել Է նա: Նախարարը հավելել Է, որ այդ հարցը վերաբերում Է ոչ միայն Ուկրաինային ու ՆԱՏՕ-ին, այլև Ռուսաստանին:
Լավրովը նաև հայտարարել Է, որ Մոսկվան կոչ Է անում հետաքննել Կիևի կողմից ՄԱԿ-ի խորհրդանշաններով ուղղաթիռների օգտագործումը երկրի հարավ-արևելքում ուժային գործողություն անցկացնելու ընթացքում: «Ցանկանում ենք հասկանալ, թե ինչպես են ՄԱԿ-ի լոգոտիպով ուղղաթիռներն օգտագործվել հարավ-արևելքում բողոքի ակցիաների մասնակիցների դեմ»,-նշել Է ՌԴ-ի ԱԳ նախարարը:
«Ուկրաինան ավելի քան երբևԷ մոտեցել Է քաղաքացիական պատերազմին»,-ընդգծել Է Լավրովը:
Նրա խոսքով՝ մայիսի 25-ի նախագահական ընտրությունները չեն կարող օրինական լինել, քանի դեռ շարունակվում Է բռնությունը: «Անկարելի Է նստել բանակցությունների սեղանի շուրջ, քանի դեռ հրաձգություն Է ընթանում ականանետներից»,-արձանագրել Է ՌԴ արտգործնախարարը:
«Ռուսաստանը լուրջ կասկածներ ունի, որ Ուկրաինայի հարավ-արևելքում գործում են ԱՄՆ-ից եկած վարձկաններ»,-նշել Է Լավրովը, հաղորդել Է ԻՏԱՌ-ՏԱՍՍ-ը:
