Հասարակություն Միջազգային 

Նա ինչ-որ հիմար և անընդունելի բան արեց․ Պոզները՝ Պուտինին հայհոյած հաղորդավարի մասին

analitik.am

Հեռուստահաղորդավար Վլադիմիր Պոզները հայտարարել է, որ վրացական «Ռուսթավի 2» հեռուստաալիքը կարող էր ավելի վաղ ազատել իր լրագրող Գեորգի Գաբունիային, ով եթերում հայհոյել էր Ռուսաստանի նախագահ Վլադիմիր Պուտինին: Լրագրողը իր դիրքորոշումը հայտնել է «Pozner Online» կայքում:

«Ես միայն մի բան կասեմ. Եթե այս հեռուստահաղորդավարն աշխատեր ինձ համար կամ լիներ իմ ենթակայության տակ, ապա ես նրան կազատեի անմիջապես, այդ բռնի խոսքերից հետո, և ոչ թե գրեթե երկու ամիս անց»,-ասել է Պոզները:

Ըստ նրա, այն բառապաշարը, որը ծրագրում ելույթ ունենալիս օգտագործել է Գաբունիան, անընդունելի է լրագրողի համար․ «Կարծում եմ, որ նա ինչ-որ հիմար և անընդունելի բան արեց»,-եզրափակել է Պոզները:

Ավելի վաղ Պոզները հայտարարել էր, որ իր համար Գաբունիան դադարեց լրագրող լինել՝ «ոչ թե այն հակառուսական դիրքորոշման համար, որի իրավունքն ունի, այլ լրագրության սկզբունքները խախտելու համար»:

Օգոստոսի 20-ին «Ռուսթավի 2» հեռուստաալիքի նոր ղեկավար Պաատա Սալիան աշխատանքից հեռացրեց մի շարք լրագրողների, այդ թվում՝ Գեորգի Գաբունիային:

Նույն շարքից