Այսօր մոտ երկու ժամ տևած՝ Հայաստան Հանրապետական կուսակցության Գործադիր մարմնի նիստում քննարկվել են միայն մայիսի 24-ին հրավիրվելիք համագումարին վերաբերող կազմակերպչական հարցեր:
Այս մասին նիստից հետո լրագրողներին հայտնեց ՀՀԿ խոսնակ, ԱԺ փոխնախագահ Էդուարդ Շարմազանովը՝ տեղեկացնելով, որ համագումարին խորհրդարանական խմբակցություններից հրավիրյալներ նախատեսված չեն:
«Հերթական համագումար է, հաշվետու, կուսակցության նախագահի հաշվետու ելույթ, կուսակցության մարմինների ընտրություններ, տարածքային, մարզային կառույցների ներկայացուցիչների ելույթներ»,-ասաց ՀՀԿ խոսնակը:
Նախկին վարչապետ Տիգրան Սարգսյանը ներկա է եղել նիստին:
«Տիգրան Սարգսյանը մեր կուսակցության նախագահի տեղակալն է, մեր կուսակից ընկրեն է»,- այս թեման ամփոփեց Էդուարդ Շարմազանովը՝ նշելով, որ նրան դիվանագիտական աշխատանքի ուղարկելու հարցը ևս չի քննարկվել:
