Հասարակություն 

Ոստիկանները մեկնեցին սահման /տեսանյութ/

Օրերս սահման մեկնեց ՀՀ ոստիկանության զորքերի հերթական մարտական հերթափոխը։ Նրանց դիրքեր ճանապարհեց ոստիկանության պետ, ոստիկանության գեներալ-մայոր Վալերիյ Օսիպյանը։

«Դուք մերօրյա հերոսներն եք: Մենք ու ողջ ազգը հպարտանում է ձեզնով, որ մեր զինվորների հետ թև ու թիկունք եղած պահպանում եք պետական սահմանը: Բարի և անփորձանք ծառայություն»,- սահմանապահներին դիմեց Վալերիյ Օսիպյանը:

Ոստիկանության պետի ելույթից հետո ոստիկանները աղոթեցին և երդվեցին անձնվիրաբար պահել պետական սահմանի մարտական դիրքը։

Ճանապարհման հանդիսավոր արարողությունն ավարտվեց հանդիսավոր երթով:

Հաջորդ օրը, դիրքերից վերադարձան մարտական հերթապահությունը ծառայակից ընկերներին հանձնած ոստիկանները։ Վալերիյ Օսիպյանը նրանց շնորհակալություն հայտնեց անձնվիրաբար ծառայության համար:

Սահմանից վերադարձած ոստիկանները մի քանի օր կհանգստանան, հետո կանցնեն հասարակական կարգի պահպանությանը:

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից