Ռուսաստանի նախագահ Վլադիմիր Պուտինն օգոստոսի 27-ին Մոսկվայում կհանդիպի իր թուրք պաշտոնակից Ռեջեփ Թայիփ Էրդողանի հետ: Այս մասին հայտնում է РИА Новости- ն ՝ հղում անելով Ռուսաստանի առաջնորդի մամուլի քարտուղար Դմիտրի Պեսկովին:
Ավելի վաղ, օգոստոսի 23-ին Պուտինը և Էրդողանը հեռախոսային բանակցություններ են վարել՝ սիրիական Իդլիբում տիրող իրավիճակի մասին: Նախագահները պայմանավորվել են ջանքեր գործադրել ահաբեկչության վերացման ուղղությամբ:
Դրանից հետո Թուրքիայի ղեկավարի մամուլի ծառայությունը հայտարարել է օգոստոսի 27-ին երկօրյա այցով Ռուսաստան այցելելու իր ծրագրերի մասին: