Ինչպես արդեն հայտնել ենք, փակվել է Ալավերդի-Բագրատաշեն մայրուղու Արճիս գյուղի հատվածը։ Այս կերպ գյուղացիները փորձում են լսելի դարձնել գյուղի` խմելու ջրի օրհասական խնդիրը։
Թեմային անդրադարձել է նաև ՀՀ ԱԺ Իմ քայլը խմբակցության պատգամավոր Վարազդատ Կարապետյանը.
«Արճիսի հսկաները ճանապարհը փակել են ու բոլորիցս խմելու ջուր են ուզում։
Ինչքան մեծ է պատասխանատվությունն այս երեխեքի հանդեպ։
Գյուղի մաքուր, կարմրաթուշ աղբյուրներ։
Մենք մի բան ունենք անելու։ Գնանք խոնարհվենք դեմները՝ որպես հնազանդ ծառա ու հենց այսօր սկսենք լուծել խնդիրը։
Դուք եք տերը մեր երկրի»,-գրել է նա:
