«Բարսելոնայի» մինչև 19 տարեկանների թիմի գլխավոր մարզիչ Վիկտոր Վալդեսը խոսել է անցած շաբաթ հիմնական թիմում իր նորամուտը տոնած 16-ամյա Անսու Ֆատիի մասին:
«Ես նրան խնդրել էի բերել խաղակոշիկները: Դրանք սարսափելի վիճակում էին և ցավեցնում են նրա ոտքերը: Որևէ մեկը նոր խաղակոշիկներ չէր գնել, դրա համար դա արեցի ես՝ գնելով մի քանի զույգ».-ասել է Վալդեսը:
Կատալոնական գրանդի լեգենդի խոսքերով, Ֆատին ուժեղ է, արագ, նրան պետք է ազատություն տալ դաշտում, որպեսզի կարողանա փայլել:
Վալդեսին չի զարմացրել Ֆատիի փայլուն նորամուտը. «Կարևորն այն է, որ նա չմոռանա, թե որտեղից է եկել: Էական չէ՝ նա կհասնի փառքի, թե՝ ոչ, դա այլ պատմություն է: Կարևորն այն է, որ նա էլիտար խաղացողի սիրտ ունի, գիշատիչ է տուգանային հրապարակում»:
