Բարի օր Տնտեսություն 

Ավտոմեքենաներ կլինեն, որոնց մաքսատուրքը հունվարի 1-ից կբարձրանա 10 անգամ

ՊԵԿ-ն առաջիկայում անիմացիոն տեսահոլովակ է հրապարակելու` հանրությանը ներկայացնելով, թե ինչ է փոխվելու ավտոմեքենաների մաքսազերծման հարցում 2020 թվականի հունվարի 1-ից: Այս մասին լրագրողներին հայտնեց ՊԵԿ նախագահ Դավիթ Անանյանը:

ՊԵԿ նախագահը նշեց, որ լինելու են ավտոմեքենաներ, որոնց մաքսատուրքը կարող է բարձրանալ մինչև 70 տոկոս, մեքենա կա` 10 անգամ, 3 անգամ, կամ` 5: Դա կախված է որոշ հաշվարկներից:

Անանյանի խոսքերով, հրապարակվելիք տեսանյութից հետո ավտոմեքենաների մաքսազերծման հարցերը հանրության համար մաքսիմալ հասկանալի կլինեն:

Նշենք, որ ավտոմեքենաների մաքսազերծումը թանկանում է ոչ թե Հայաստանի նախաձեռնությամբ, այլ տեղի է ունենում ԵԱՏՄ միասնական օրենսդրության շրջանակներում: Անանյանի խոսքերով, հնարավոր չէ այսօր գործող կարգը երկարաձգել, քանի որ նման նախաձեռնություն չկա:

ՊԵԿ նախագահը խոսեց նաև ավտոմաքսակետի` Գյումրի տեղափոխելու մասին, որն իրականություն է դառնալու այս տարի: Երևանում ավտոմաքսակետ չի լինելու:

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից