Գևորգ Դանիելյանը ֆեյսբուքյան իր էջում գրում է.
«Ազատագրական պայքարին մասնակցած յուրաքանչյուր մարդու դատապարտելն ինքնին բարդ ու խնդրահարույց է, կարծիքներն էլ, ավելի քան՝ ծայրահեղ: Այս համատեքստում ինչ-որ տեղ հասկանալի է այդ մարդկանց մասին ինչպես ուղղորդված, այնպես էլ անաչառ նյութեր տարածելու նկրտումները:
Սակայն առնվազն հարկ է սթափ գնահատել իրավիճակը և չփորձել հրապուրվել այնպիսի «փաստեր» հրապարակելով, որոնք իբր նրանց մերկացնում են ռազմական հանցագործությունների մեջ, չի կարելի այդչափ կարճատես լինել:
Այդպիսի նյութերը անխուսափելիորեն այլ իրավական արժեք են ձեռք բերելու և օգտագործվելու են բոլորովին այլ շարժառիթներով՝ վտանգելով Երկրի շահերը. կխնդրեի չզբաղվել ինքնագործունությամբ, մեր աջ ձեռքը պետք է իմանա, թե ինչ է անում ձախը ...»:
