«YouTube»-ի տեսահոսթինգի ծառայությունը 170 միլիոն դոլար տուգանք կվճարի երեխաների անձնական տվյալների ապօրինի օգտագործման համար: Այս մասին հայտնում է CNBC-ը:
Որոշումը կայացրել է Առևտրի դաշնային հանձնաժողովը և Նյու Յորքի գլխավոր դատախազը: Ծառայությունը նպատակային գովազդի համար գումար է աշխատել անչափահասների անձնական տվյալների միջոցով՝ առանց նրանց ծնողների թույլտվության:
Մասնավորապես, ծառայությունը ներգրավել հաճախորդներին երեխաների անձնական տվյալների առկայությամբ: Խաղալիքների արտադրողներ Hasbro-ին և Mattel-ին տեսահոսթինգը ասել է, որ առաջատարներից մեկն է 6-11 տարեկան անչափահասների շրջանում լսարան հավաքագրելու հարցում:
Բացի տուգանքից, իրավապահ մարմինները պահանջում են, որ ծառայությունը նույնականացնի երեխաներին ուղղված ալիքները: Գաղտնիության քաղաքականությանը պետք է առանձնահատուկ պահանջներ դրվի՝ համաձայն ԱՄՆ «Երեխաների առցանց գաղտնիության պաշտպանության մասին» օրենքի:
