Ստվերից դուրս եկած աշխատատեղերի թիվը 51 հազարից հասել է 63 հազարի: Այս մասին խորհրդարանում հայտարարեց ՊԵԿ նախագահ Դավիթ Անանյանը` ներկայացնելով թվերը սեպտեմբերի դրությամբ:
ՊԵԿ նախագահը նշեց, որ ստվեր միշտ լինելու է, բայց ստվերի նկատմամբ վերահսկողությունն ավելի է ուժգնանալու. «Ստվերը պետք է լինի կառավարելի: Չկա որևէ տնտեսություն, որտեղ ստվեր չկա: Ուղղակի կա կառավարելի և ոչ կառավարելի ստվեր: Կարծում եմ, որ մենք պետք է ունենանք ցածր ու կառավարելի ստվեր»։
