Հայաստան Քաղաքականություն 

ՊՆ-ն 48 հազար դրամով ցեմենտ է գնել մի կազմակերպությունից, որն ընդամենը 2 աշխատակից ունի

ՊՆ-ն ցեմենտի գնում է կատարել «Հիդրո Գրուպ» կազմակերպությունից` վճարելով 48 հազար դրամ, ինչը շատ թանկ է: Այս մասին խորհրդարանում հարցուպատասխանի ժամանակ հայտարարեց ԼՀԿ-ական պատգամավոր Մանե Թանդիլյանը` հավելելով, որ կառավարության տարբեր գերատեսչություններ նույն կազմակերպությունից մեկ անձից գնման տեսքով պարբերաբար կատարում են գնումներ և նաև շինարարական աշխատանքեր պատվիրում. «Իսկ այդ կազմակերպությունը, որն անում է նաև շինարարական աշխատանքներ, ունի ընդամենը երկու աշխատակից: 2018-19 թվականին այս կազմակերպությունից 150 միլիոն դրամի գնում է կատարվել»:

Պաշտպանության նախարար Դավիթ Տոնոյանը հայտարարեց, որ պետք է ստուգի տեղեկատվությունը, որից հետո կարող է պատասխանել. «Եթե մրցութային կարգով է կատարվել, չեմ կարծում թե խնդիր կա: Մենք մեծ քանակությամբ ցեմենտ ենք գնում, ունենում ենք նաև հրատապ գնումների խնդիր: Կոնկրետ դեպքով չեմ կարող այս պահին պատասխանել: Եթե պետք է Ազգային ժողովում հնչեցնել պատասխանը, դա կանեմ ճշտելուց հետո»:

Մանե Թանդիլյանը հայտարարեց, որ ժամանակ եղել է մրցույթ հայտարարելու համար, սակայն ՊՆ-ն ու կառավարության այլ գերատեսչությունները պարբերաբար գնումներ են անում նույն կազմակերպությունից, որի գործարանը գտնվում է Արարատում:

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից