Մի խումբ քաղաքացիներ պատրաստվում են Ազգային ժողովի մոտից երթ սկսել ի պաշտպանություն Ամուլսարի: Այս պահին ակցիայի մասնակիցների հետ հանդիպում է ԱԺ նախագահ Արարատ Միրզոյանը, ում խոսքերով, մարդիկ պլակատներով և ռուպրներով ԱԺ այգում կարող են ակցիա անել միայն ԱԺ նախագահի գիտությամբ:
Նա նաև հիշեցրեց նախորդ դեպքը՝ Ամուլսարի հարցում չի ոտնահարվում հեղափոխության գաղափարները, ինչպես պնդում են ակցիայի մասնակիցները. «Եթե այդպիսի պնդում եք անում, ուրեմն մենք տարբեր ձև ենք ընկալել հեղափոխության գաղափարները»,-ասաց Միրզոյանը:
Ակտիվիստները Միրզոյանին հիշեցրեցին Փաշինյանի խոսքերն առ այն, որ ժողովուրդն է որոշելու հարցեր, իսկ այս դեպքում ժողովուրդն արդեն որոշել է հարցը:
Միրզոյանի խոսքերով, դա տափակ քննարկում է:
ԱԺ նախագահի այդ ձևակերպումը դուր չեկավ ակտիվիստներին, ովքեր պահանջեցին Միրզոյանին հեռանալ:
ԱԺ նախագահը հետո բացատրեց, թե ինչ նկատի ուներ «տափակ քննարկում» ասելով` խնդրելով ակտիվստներին ակցիայի հարցը հնարավորինս հարթ անել:
Այս պահին ակցիայի մասնակիցները Ազգային ժողովի այգում են։
