Ծնվել եմ 1954 թվականին, Ստեփանակերտում: Դատարանում հայտարարեց ՀՀ երկրորդ նախագահ Ռոբերտ Քոչարյանը, պատասխանելով դատավոր Դանիբեկյանի հարցերին:
Նշենք, որ այսօր Երևան քաղաքի ընդհանուր իրավասության դատարում մեկնարկել են Քոչարյանի և մյուսների գործով դատական նիստերը:
Դատավորի հարցին՝ աշխատո՞ւմ է, Քոչարյանը պատասխանեց՝ հիմա՞:
Դատավորն ասաց՝ մինչև կալանավորվելը:
Քոչարյանն ասաց, որ մշտական աշխատանք չունի. «Ես «Սիստեմա»-ի խորհրդի անկախ տնօրեն եմ, սակայն դա մշտական աշխատանք չէ: Հայաստանում այդ ինստիտուտը չկա, դրա համար բարդ է բացատրել»:
Քոչարյանը նշեց, որ իր հաշվառման վայրն է Իսակովի պողոտա 23/7. «Փաստացի ապրել եմ նույն հասցեում»:
Հարցին, թե ունի արդյո՞ք առողջական խնդիրներ, Քոչարյանն ասաց, որ չի ցանկանում այդ մասին խոսել:
Երկրորդ նախագահը դրական պատասխան տվեց հարցին՝ արդյո՞ք ստացել է մեղադրական եզրակացությունը, սակայն չի հիշում, թե երբ։