Հասարակություն 

Տավուշի մարզում ինքնասպան եղած 21-ամյա երիտասարդը մի քանի ամսվա պայմանագրային զինծառայող էր

Տավուշի մարզի Գանձաքար գյուղում սեպտեմբերի 12-ին գոմում կախվելու միջոցով ինքնասպան եղած 21-ամյա պայմանագրային զինծառայող Արմեն Ներկարարյանը մի քանի ամիս էր, ինչ անցել էր ծառայության: Այս մասին NEWS.am-ի հետ զրույցում ասաց Գանձաքարի համայնքապետ Վարդգես Դովլաթբեկյանը` նշելով, որ 21-ամյա երիտասարդին կախված վիճակում հայտնաբերել է ավագ եղբայրը:

«Շատ նորմալ ընտանիք են, անասնապահությամբ են զբաղվում, Արմենն էլ շատ հանգիստ երեխա էր, ծառայությունից վերադարձել էր, պայմանագրային զինծառության էր անցել: Մի քանի ամիս էր, ինչ աշխատում էր Իջեւանում»,- ասաց նա` նշելով, որ չգիտեն, թե ինչը կարող էր ինքնասպանության պատճառ լինել:

Գյուղապետը նաև նշեց, որ 21-ամյա Արմենն ունի իրենից ավագ եղբայր և երկու քույր:

Ոստիկանությունը հայտնել էր, որ ինքասպան եղած երիտասարդի մարմնին արտաքին զննությամբ բռնության հետքեր չեն հայտնաբերել․

«Սեպտեմբերի 12-ին, ժամը 11:30-ին ահազանգ է ստացվել, որ Տավուշի մարզի Գանձաքար գյուղում իրենց տան անասնագոմում մարդ է կախվել: Մեկնած օպերատիվ խումբը պարզել է, որ սեպտեմբերի 11-ից, ժամը 22:00-ից մինչեւ սեպտեմբերի 12-ը ժամը 11:20-ը Գանձաքար գյուղի բնակիչ 1998 թվականի ծնված բնակիչը ինքնասպանություն է գործել իրենց տանը կից անասնագոմի տանիքից` սյունից պարանով կախվելու միջոցով: Արտաքին զննությամբ դիակի վրա բռնության դեպքեր չեն հայտնաբերվել: Նախապատրաստվում են նյութեր»,- հայտնեցին ոստիկանությունից:

  •  
  •  
  •  
  •  
  •  
  •  
  •  
  •  
  •  

Նույն շարքից