2018-ին իրենց 57-ամյա հորը սպանած Խաչատուրյան քույրերի մայրը՝ Աուրելիա Դունդուկը, հարցազրույցի ընթացքում հայտարարել է, որ մահացածը բացարձակ չարիք էր, և նա չի զղջում նախկին ամուսնու մահվան համար։ Այդ մասին հաղորդում է НТВ-ն։
Նրա խոսքերով՝ աղջիկներին քրեական պատասխանատվությունից ազատելու որոշակի շանսեր կան, քանի որ հետաքննությունն ընդունել է աղջիկների՝ սեռական ոտնձգությունների ենթարկվելու փաստը։
«Նրանք փրկել են իրենց կյանքը։ Ես հույս ունեմ, որ գործը կկարճվի»,- նշել է նա։
Ավելի վաղ, դատարանը Խաչատուրյան քույրերին ճանաչել էր իրենց հոր զոհ։ Երեք աղջիկները կարող են ազատվել նրա սպանության համար քրեական պատասխանատվությունից:
Աղջիկների փաստաբանը հրապարակել էր Խաչատուրյանի հեռախոսային նամակագրությունը։
