Armenia TV-ն բացառիկ իրավունքով կցուցադրի Հենրիխ Մխիթարյանի եւ նրա նոր թիմակիցների խաղերը: Այս մասին տեղեկանում ենք հեռուստաընկերության ֆեյսբուքյան էջից։
«#ArmeniaTV-ն հատուկ իր հեռուստադիտողի համար ձեռք բերված համաձայնությամբ եւ բացառիկ իրավունքով կցուցադրի Հենրիխ Մխիթարյանի եւ նրա նոր թիմակիցների խաղերը:
Henrikh Mkhitaryan-ի տեղափոխությունից անմիջապես հետո Արմենիա TV-ն սկսեց բանակցությունները Հայաստանի ազգային հավաքականի բոլոր ժամանակների լավագույն ռմբարկուի խաղերը իր հեռուստադիտողներին ներկայացնելու համար:
Այսօրվանից, Իտալիայի Ա սերիայում Ռոմայի մասնակցությամբ բոլոր հանդիպումները միայն Արմենիա TV-ի եթերում: Այսօր 20:00-ին, Ռոման Օլիմպիկո ստադիոնում կընդունի Սասուոլոյին:
Իտալական ֆուտբոլում առաջին հայ ֆուտբոլիստի մասնակցությամբ խաղերը ցանկանում էին դիտել բազմաթիվ երկրպագուներ եւ Արմենիա TV-ին իրագործում է իր հեռուստադիտողների ցանկությունը»,–ասված է գրառման մեջ։
