Ֆորմուլա 1-ի աշխարհի յոթակի չեմպիոն Միխայել Շումախերը դուրս է գրվել փարիզյան հիվանդանոցից: Այս մասին BFMTV-ի եթերում հայտարարել է ֆրանսիացի լրագրող Ժան-Միշել Դեկյուժին, փոխանցում է ՏԱՍՍ-ը:
Լրագրողի տեղեկություններով, Շումախերը հիվանդանոցը լքել է դեռ սեպտեմբերի 12-ին:
Թե ինչ մեթոդներով են բուժել Շումախերն, գաղտնի է պահվում: Ենթադրվում է, որ դա ինչ-որ փորձարարական մեթոդ է:
«Մեզ միայն հայտնի է, որ նրան արյան փոխներարկում են արել: Հատուկ բջիջներով հարստացված արյունը պետք է դրական ազդեցություն ունենա ամբողջ օրգանիզմի, այդ թվում նաև ուղեղի վրա»,-ասել է լրագրողը:
Շումախերի հոսպիտալացման մասին հայտնի էր դարձել սեպտեմբերի 9-ին: