ԱՄՆ նախագահ Դոնալդ Թրամփը հայտարարել է, որ իր աշխատակազմում տեղյակ են, թե ովքեր են մեղավոր Սաուդյան Արաբիայում հարձակումների համար և պատրաստ են հետագա գործողություններին: Այս մասին Թրամփը գրել է թվիթերյան իր էջում:
«Կան հիմքեր ենթադրելու, որ մենք գիտենք մեղավորներին: Սակայն մենք սպասում ենք Թագավորության ինֆորմացիային, թե իրենց կարծիքով ովքեր են մեղավորները հարձակումների համար և ինչպիսի պայմաններում ենք մենք գործելու»,-գրել է նա:
Ավելի վաղ ԱՄՆ նախագահը թույլ էր տվել օգտվել ԱՄՆ պահուստային նավթից, եթե նման անհրաժեշտություն լինի:
Անցած շաբաթ դրոններով հարձակում տեղի ունեցավ Սաուդյան Արաբիայում, ինչի արդյունքում տուժեցին աշխարհի խոշորագույն նավթ արդյունահանող գործարանները: Ավելի ուշ հարձակումների պատասխանատվությունը ստանձնեցին Եմենի ապստամբները:
