ԿՀՎ-ն ԽՍՀՄ-ի հետ, այսպես կոչված, Սառը պատերազմի տարիներին պլանավորած է եղել հետախուզական նպատակներով օգտագործել աղավնիներ, դելֆիններ և ագռավներ: Այս մասին են վկայում գերատեսչության գաղտնազերծված փաստաթղթերը:
«Հետազոտության և զարգացման դեպարտամենտի վերջին տվյալները ցույց են տվել, որ փոստային աղավնիներն ունակ են կրել 16 մմ ֆոտոխցիկներ, որը թույլ կտա ստանալ բարձրորակ պատկերներ տարբեր անկյուններից»,-ասված է գերատեսչության պաշտոնական կայքում հրապարակված փաստաթղթերից մեկում:
Նախատեսված է եղել թռչուններին մարզել նաև Ալյասկայում, որպեսզի ԽՍՀՄ-ի հեռավոր հյուսիսային շրջաններում նրանք պատրաստ լինեին գաղտնի գործողություններին:
Այնուամենայնիվ, լրտես աղավնիների օգտագործման ծրագրերը չեն իրականացվել մի շարք տեխնիկական և այլ պատճառներով:
