Քաղաքականություն 

Ես ասում եմ Ամուլսարի ճանապարհները բացեք, որովհետև, եթե ճանապարհները փակելու անհրաժեշտություն լինի կառավարությունը կփակի դրանք․ Փաշինյան

«Էլարդ» ընկերությանը տրամադրված 400 հազար դոլարը տրամադրվել է Ամուլսարի մասով ճշմարտությունն ի հայտ բերելու համար: Այս մասին այսօր՝ սեպտեմբերի 16-ին, մամուի ասուլիսի ժամանակ հայտարարեց ՀՀ վարչապետ Նիկոլ Փաշինյանը՝ նշելով, որ այդ գումարը չի կարող վատնված համարել:

Ինչ վերաբերում է Ամուլսարի փակ ճանապարհները բացելուն Փաշինյանն ասաց, թե վարչական դատարանը որոշում ունի, որ ճանապարհը պետք է բացվի, իսկ Ամուլսարի հարցում պետք է մինչև վերջ գնալ ճշմարտության ետևից և այդ ճանապարհը կտանի դեպի ճիշտ որոշում. «Ընդ որում, ես կարևրորում եմ, որ հանրությունը մանիպուլացիաների չտրվի, այդ թվում նաև իմ կողմից հարգված ընկերներիս կողմից: Որովհետև, երբ որևէ քաղաքացի որևէ սարք է վերցնում, գնում մի տեղ կանգնում ու ասում է, որ ռադիացիան կչափի, ասում է, որ ռադիացիայի այնպիսի ֆոն կա, որ Հայաստանում կոտորած է սկավում, դա համարում եմ մանիպուլացիա: Ես ասում եմ ճանապարհները բացեք, որովհետև, եթե ճանապարհները փակելու անհրաժեշտություն լինի կառավարությունը կփակի դրանք, եթե անհրաժեշտություն լինի՝ կբացի: Ես չեմ ընդունում տեսակետը, որ ասում են այսպես է լինելու և վերջ: Եթե որևէ ակտիվիստ կարող է այդպես ասել, կառավարությունը չի կարող այդպես ասել: Կառավարության որոշումները պետք է բխեն օրենքից և սահմանադրությունից»:

Փաշինյանի խոսքերով, այն մարդիկ, ովքեր ասում են, թե ճշմարտությունը պարզ է, ինքը բերում է Թեղուտի օրինակը. «Այն ժամանակ, երբ աղմուկ բարձրացավ, կառավարության անդամները մտան իմ սենյակ և ասացին, որ Թեղուտի հանքի շահագարոծումը դադարեցնելու մասին որոշում պետք է կայացնել, քանի որ պատվարը քանդվելու է և հազարավոր զոհեր կլինեն: Ես համապատասխան մարմիններին ուղարկել եմ ստուգման: Նրանք եկել ու ասել են, որ տեսանելի ապագայում պատվարը չի քանդվի: Իսկ անտեսանելի ապագայի մասով պետք  է փորձաքննություն լինի: Մենք արդեն պարտավորեցրել ենք համապատասխան մարմնին միջազգային փորձաքննություն իրականացնել։ Ամուլսարի մասով կառավարությունը ճնշման ներքո որոշում չի կայացնելու»:

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից