Ես իմ ողջ քաղաքական գործունեության ընթացքում պայմանավորվածություն ունեցել եմ միայն մի սուբյետկի հետ ու միշտ էլ այդպես է լինելու: Այս մասին մամուլի ասուլիսի ժամանակ հայտարարեց ՀՀ վարչապետ Նիկոլ Փաշինյանը` պատասխանելով խոսակցություններին, թե ինքն ինչ-որ պայմանավորվածություն ունի Սերժ Սարգսյանի հետ:
«Ժողովրդի թիկունքում, ստվերում ինչ-որ բան անել կնշանակի, որ ես արձանագրում եմ` իմ կյանքն ու ողջ գործունեությունն անիմաստ են»,-ասաց Փաշինյանը:
Վարչապետի խոսքերով, եթե Սերժ Սարգսյանի ու իր մասին ասվածի գոնե մի փոքրիկ մասը ճշմարիտ է, ուրեմն ինքն անիմաստ է ապրել:
