Ռուսաստանի նախագահ Վլադիմիր Պուտինը և նրա թուրք գործընկեր Ռեջեփ Թայիփ Էրդողանը հանդիպում են ունեցել Անկարայում, որի հանրային հատվածում ոչ մի բառ չեն արտասանել: Հանդիպումից տեսանյութը տրամադրել է թուրքական «Anadolu» լրատվական գործակալությունը, փոխանցում է Լենտան:
Ըստ Ինտերֆաքսի, երկու առաջնորդների զրույցը փակ է մամուլի համար: Դրա ավարտից հետո երկրների պատվիրակության անդամները կարող են միանալ նախագահներին:
Հայտնի է, որ Ռուսաստանը Թուրքիայում ներկայացնում են ՌԴ արտգործնախարար Սերգեյ Լավրովը, պաշտպանության նախարար Սերգեյ Շոյգուն, էներգետիկայի նախարար Ալեքսանդր Նովակը, ինչպես նաև Սիրիայի կարգավորման հարցով նախագահի հատուկ ներկայացուցիչ Ալեքսանդր Լավրենտևը:
