Յամայկայում անցկացվող ֆուտբոլային խաղի ժամանակ մի քանի ֆուտբոլիստներ կայծակահարվել են: Այս մասին հայտնում է Լենտան՝ հղում անելով «Loop Jamaica»-ին:
Դեպքը տեղի է ունեցել Ուոլմեր Բոյս դպրոցի և Յամայկա քոլեջի թիմերի հանդիպման ընթացքում: 82-րդ րոպեին երկու խաղացող ընկել են դաշտի մեջտեղում: Ինչպես պարզվել է, կայծակը հարվածել է ֆուտբոլիստներին, որից հետո վերջիններս հոսպիտալացվել են: Նշվում է նաև, որ հարվածի հետևանքով տուժել են այլ ֆուտբոլիստներ: Ստացած վնասվածքների ծանրությունը չի ճշտվում։