Մոսկվայի օրվա տոնակատարության շրջանակներում ժողովուրդների բարեկամություն թեմայով անցկացվել է «Մոսկվա» նորաձևության ցուցադրություն: Այս մասին հայտնում է Ռուսարմինֆոն։
Նորաձևության ցուցադրությանը մասնակցել է նաև Մոսկվայի բնակիչ ծագումով հայ դիզայներ Հարութ Առուստամյանը, որը ներկայացրել է իր ստեղծած հագուստի հավաքածուն:
Ցուցադրման թեմայի տրամաբանության մեջ դիզայները ներկայացրել է ազգային հագուստներ և աքսեսուարներ։
Ավելի ուշ Instagram-ի իր էջում վերջինս հրապարակել է մոդելների լուսանկարներ, որոնցից մեկը կրում է սև գլխարկ՝ «Հայուհի» մակագրությամբ։
