Լոնդոնի օդանավակայանում բալետի հարբած պարուհին կծել և ծեծել է բրիտանական ոստիկանության աշխատակիցներին: Այս մասին հայտնում է Լենտան:
Հիթրոու օդանավակայանում ալկոհոլի ազդեցության տակ լինելու պատճառով իսպանուհի Դայանա Անդրեաս Ռիվերային արգելվել է ինքնաթիռ նստել: Իրավապահ մարմինների աշխատակիցները փորձել են դուրս հանել վերջինիս և տանել ոստիկանական բաժանմունք, սակայն կինը դիմադրություն է ցույց տվել: Նա կծել և հարվածել է ոստիկանության աշխատակիցներին։
Բացի այդ, պարզվել է, որ վերջինս իր մոտ դանակ է ունեցել։
Այժմ կինը մեղադրվում է ոստիկանության ծառայողների վրա հարձակման և ապօրինի ձևով սառը զենք պահելու մեջ։