Բանգկոկի օդանավակայանում բրիտանացի մոդելին փակի տակ են պահել խավարասերներով լի խցում՝ անձնագրում մի քանի էջի բացակայության պատճառով: Այս մասին հայտնում է Mirror-ը:
28-ամյա Լեյսի Մոնթգոմերի-Հենդերսոնն ուղևորվել է Գլազգոյից Թաիլանդ։ Բանգկոկի օդանավակայանի աշխատակիցները նկատել են, որ նրա անձնագրում բացակայում է երկու էջ: Ըստ Հենդերսոնի, նա պոկել է անձնագրի էջերը մի քանի տարի առաջ, երբ դրանք պատահմամբ կեղտոտվել են, իսկ Թաիլանդի անձնագրային հսկողության աշխատակիցները չեն ընդունել այդպիսի փաստաթուղթը:
Արդյունքում աղջկան 24 ժամ պահել են խցում, որտեղ, ըստ նրա, վխտում էին խավարասերները և նրա հետ կենդանու պես էին վարվում։ Մեկ օր անց բրիտանուհուն բաց են թողել, և նա նորից ուղևորվել է Շոտլանդիա: