Կանադայի վարչապետ Ջասթին Թրյուդոն ընտրությունների նախօրեին ներողություն է խնդրել մուգ դիմահարդարմամբ իր լուսանկարի համար։ Այս մասին հայտնում է Life-ը։
Ավելի վաղ Time-ը հրապարակել էր մի լուսանկար, որտեղ վերջինս մուգ դիմահարդարմամբ է։ Այդ տեսքով Թրյուդոն մասնակցել է դպրոցում կազմակերպված երեկույթի, որտեղ դասավանդել է 2001 թվականին։ Նա այդ ժամանակ 29 տարեկան էր։
«Այդ օրը ես Ալադինի կերպարով էի, և շատ մուգ դիմահարդարմամբ, ինչի համար ցավում եմ։ Ես չպետք է դա անեի»,-ասել է Թրյուդոն։
Սեպտեմբերի 11-ին Թրյուդոն հայտարարել է նախընտրական քարոզարշավի մեկնարկի մասին՝ գլխավոր նահանգապետին պաշտոնապես խնդրելով լուծարել խորհրդարանը:
Ընտրությունները տեղի կունենան հոկտեմբերի 21-ին: