ԱՄՆ նախագահ Դոնալդ Թրամփը չպետք է համաձայնության գա Չինաստանի հետ և վերջ տա աշխարհի երկու խոշորագույն տնտեսությունների առևտրային պատերազմին, քանի որ դա կասկածի տակ է դնում 2020 թվականի ընտրություններում նրա վերընտրվելը: Այս կարծիքն է հայտնել CME խմբի գլխավոր տնտեսագետ Բլուֆորդ Փաթնեմը, գրում է CNBC-ն:
Նա բացատրել է, որ ոչ միայն դեմոկրատներն են դեմ Չինաստանին, այլև Հանրապետական կուսակցության Թրամփի կողմնակիցները: Նրանք կարծում են, որ Ամերիկայի նախագահը պետք է շատ ավելի կոշտ լինի ՉԺՀ-ի հետ։
Նրանք ասում են, որ դժգոհ կլինեն այս պետության նկատմամբ ԱՄՆ քաղաքականության մեղմացումից․ «Ուստի ավելի լավ է, որ նա (Թրամփը) երբեք առևտրային համաձայնության չգնա»,-ասել է Փաթնեմը:
Վերլուծաբանը վստահ է, որ մինչև 2020 թվականի ԱՄՆ նախագահական ընտրությունների մեկնարկը, առևտրային պատերազմը դադարեցնելու գործարք չի կնքվի:
ԱՄՆ-ի և Չինաստանի միջև առևտրային պատերազմն ընթանում է շուրջ մեկուկես տարի, և այս ընթացքում նրանց դիրքերը մի քանի անգամ համընկնել և հասկասել են։ Սեպտեմբերին կողմերը փոխանակվեցին «նոր հարվածներով», երբ Վաշինգտոնը 125 միլիարդ դոլարով ավելացրեց չինական ապրանքների մասով մաքսատուրքերը, իսկ Պեկինը 75 միլիարդ դոլարով պարտականություններ սահմանեց ամերիկյան ապրանքների վրա: Սակայն դրանից հետո նրանք գնացին փոխզիջումների։