Ռուսաստանի Դաշնության պաշտպանության նախարար Սերգեյ Շոյգուն Ռուսաստանի նախագահ Վլադիմիր Պուտինին հյուրասիրել է թարմ հաց և խտացրած կաթ: Այս մասին հայտնում է «Комсомольская правда»-ն։
Հիշեցնենք, որ երեկ Ռուսաստանի նախագահը ներկա է գտնվել Օրենբուրգի շրջանում կայացած «Կենտրոն 2019» զորավարժություններին։
Շոյգուն Պուտինին առաջարկել է մի կտոր սպիտակ հաց, որից հետո Պուտինը հարցրել է․ «Դուք սա կերե՞լ եք»:
Նախարարը դրական պատասխան է տվել և հավելել, որ «ողջ ու առողջ» է:
Այնուհետև Շոյգուն երկրի ղեկավարին ցույց է տվել խտացրած կաթը, մեղրը, մուրաբաները և խոտաբույսերով թեյը: Պուտինը կտրել է մի կտոր հացը և կիսվել Ղրղզստանի նախագահ Սորոնբայ Ժենբեկովի հետ։