Էստոնիայում Ռուսաստանի դեսպան Ալեքսանդր Պետրովը ստացել է բողոքի նոտա՝ տեղի ԱԳՆ-ից՝ ռուսական Су-34-ի կողմից օդային տարածքը խախտելու համար։ Այս մասին հայտնում է Լենտան՝ հղում անելով ՏԱՍՍ-ին։
Նշվում է, որ մինչև Էստոնիայի ԱԳՆ դեսպանին հրավիրելը երկրի պաշտպանական ուժերի գլխավոր շտաբը հայտարարել է, որ խախտումը տեղի է ունեցել սեպտեմբերի 23-ին։ Ըստ նրանց տեղեկությունների Су-34-ն Էստոնիայի օդային տարածքում գտնվել է մեկ րոպեից պակաս։
Իր հերթին, Ռուսաստանի Պաշտպանության նախարարությունը հերքել է Էստոնիայի օդային սահմանների խախտման մասին բոլոր մեղադրանքները։
