Արդեն 18 օր է ՎԵՏՕ հասարակական-քաղաքական շարժումը հերթապահություն է իրականացնում Սորոսի «Բաց հասարակության հիմնադրամներ»-ի Հայաստանյան գրասենյակի դիմաց: ՎԵՏՕ-ի անդամները հարցեր են ուղղում գրասենյակի աշխատակիցներին, ղեկավար Լարիսա Մինասյանին: ՎԵՏՕ հասարակական-քաղաքական շարժման անդամներն, ինչպես նաև շարժման ղեկավար Նարեկ Մալյանը բազմիցս նշել են, որ իրենց առջև դրել են նաև նպատակ ցույց տալ հասարակությանն այն մարդկանց դեմքերը, ովքեր Հայաստանում իրագործում են պետականաքանդ ծրագրեր:
Այսօր՝ սեպտեմբերի 26-ին, Սորոսի գրասենյակի տնօրեն Լարիսա Մինասյանը կանգնել է խաղաղ ակցիայի մասնակից աղջկա ոտքի վրա, իսկ ավելի ուշ էլ գրասենյակի աշխատակիցներին մեկը հարվածել և հրել է ակցիայի մասնակից աղջկան, ինչը պարզ երևում է տեսանյութում:
