Վարչապետ Փաշինյանն ուրախությամբ արձանագրեց, որ իր այցի ընթացքում Սինգապուրի հետ ստորագրված մշակույթի և արվեստի բնագավառներում համագործակցության մասին հուշագիրն արդեն կոնկրետ արդյունքներ է տալիս։
«Հաջորդ տարի նախատեսվում է Սինգապուրում կազմակերպել Հայաստանի օրեր, որոնք կնշանավորվեն մի շարք միջոցառումներով։ Վստահ եմ, որ դա կնպաստի ինչպես բարեկամ ժողովուրդների փոխճանաչելիությանը, մարդկային շփումների խրախուսմանը, այնպես էլ զբոսաշրջության և տնտեսական գործունեության ակտիվացմանը»,- նշեց վարչապետը։
Փաշինյանը, այս համատեքստում, խորհրդանշական համարեց, որ գալիք տարում նշվելու է Սինգապուրի հայկական եկեղեցու 185 ամյակը։
« Երախտապարտ ենք, որ հայկական նյութական և հոգևոր ժառանգությունը Սինգապուրում պահպանում են ամենայն հոգատարությամբ»,- ասաց ՀՀ վարչապետը։
