ՌԴ նախագահ Վլադիմիր Պուտինը ժամանել է Սեն-Սյուլպիս եկեղեցի, որտեղ պետությունների և կառավարությունների ղեկավարները սպասում են Ֆրանսիայի նախկին նախագահ Ժակ Շիրակի հետ հրաժեշտի արարողության մեկնարկին։ Այս մասին հայտնում է Լենտան՝ հղում անելով ՌԻԱ Նովոստիին։
Ռուսաստանի ղեկավարի Փարիզ ուղևորության մասին հայտնի դարձավ սեպտեմբերի 28-ին:
Արարողությունը տեղի է ունենում Սեն-Սյուլպիս եկեղեցում:
Հրաժեշտի արարողությանը մասնակցում է Ֆրանսիայի գործող նախագահ Էմանյուել Մակրոնը:
Սեպտեմբերի 30-ը երկրում հայտարարվել է ազգային սգի օր:
Հունիսին Պուտինը հայտարարել էր, որ Շիրակին համարում է ուժեղ քաղաքական առաջնորդ: Ըստ նրա, Ֆրանսիայի նախկին նախագահը ի վիճակի էր պաշտպանել իր տեսակետը:
