ՌԴ նախագահ Վլադիմիր Պուտինը Երևանում է: ԵԱՏՄ-ում Հայաստանի նախագահության շրջանակում այսօր տեղի է ունեցել Բարձրագույն Եվրասիական տնտեսական խորհրդի հերթական նիստը, ՌԴ նախագահը այցելել է Թումո կենտրոն, տեղի է ունեցել նաև ՀՀ վարչապետ Նիկոլ Փաշինյանի հանդիպումը Վլադիմիր Պուտինի հետ:
Hayeli.am-ի ունեցած տեղեկություններով՝ քիչ առաջ, տեղի ունեցած ճաշկերույթից հետո, ՌԴ դեսպանատանը հանդիպել են նախագահ Վ.Պուտինն ու ՀՀ երկրորդ նախագահ Ռոբերտ Քոչարյանի կինը՝ Բելլա Քոչարյանը: Նրանք զրուցել են, թեյ խմել:
Փորձեցինք տեղեկատվությունը ճշտել ՀՀ երկրորդ նախագահի գրասենյակի ղեկավար Վիկտոր Սողոմոնյանից, սակայն կապ հաստատել չհաջողվեց:
