«Իրատես» թերթը գրում է. «ԲՀԿ-ի՝ ՍԴ նախագահ Հրայր Թովմասյանի լիազորությունները դադարեցնելու նախագծի քվեարկությանը չմասնակցելը կարող է թանկ նստել այդ քաղաքական ուժի ղեկավարի վրա։
Կառավարության աղբյուրները փոխանցում են, որ առանց այն էլ Նիկոլ Փաշինյանը երկար ժամանակ «ատամ» ունի Ծառուկյանի վրա և հարմար պահի է սպասում, որ նրան ոչ միայն հեռացնի քաղաքականությունից (սա Փաշինյանի գլխավոր խնդիրներից մեկն է), այլև բիզնեսները նշանառության տակ դնի։
Շուտով, ինչպես վստահեցնում են կառավարությունից, Գագիկ Ծառուկյանին կարող են այցելել ոչ միայն ՊԵԿ-ի (որոնց առնչությամբ Ծառուկյանը մշտապես հայտարարում է, թե իր բիզնեսները հա էլ ստուգում են), այլև ԱԱԾ-ի աշխատակիցները։
Ուշագրավ է, որ Հրայր Թովմասյանին ՍԴ նախագահ ընտրելու ժամանակ էլ ԲՀԿ-ն դեմ է քվեարկել, սակայն ինչպես երևում է, նախորդները դրա համար չեն «պատժել» նրան, իսկ «նոր» Հայաստանում ամեն ինչ այլ է»:
Մանրամասն՝ թերթի այսօրվա համարում
