Երկու երկրների ռեգիոնների 2-րդ ֆորումի ժամանակ Բելառուսի և Ուկրաինայի նախագահներ Ալեքսանդր Լուկաշենկոյի և Վլադիմիր Զելենսկիի երկխոսությունն առաջացրել է ներկաների բուռն արձագանքը: Համապատասխան տեսանյութը հրապարակվել է հոկտեմբերի 4-ին:
Տեսանյութում լսվում է, թե ինչպես է Լուկաշենկոն Ուկրաինայի հետ առևտրաշրջանառության վերաբերյալ խոսակցության ժամանակ արտաբերում «Ռուսաստանի ռեգիոններ» եզրույթը:
Այն բանից հետո, երբ Զելենսկին նկատում է սխալը, Լուկաշենկոն ասում է.«Ես արդեն վախեցա, մի՞թե «Վլադիմիր Վլադիմիրի» ասացի»:
«Փառք Աստծո, ոչ»,-պատասխանում է Զելենսկին, ինչից հետո սրահում ծիծաղ ու ծափահարություններ են հնչում:
