Ես կարող եմ ընդհանրապես քաղաքականությունից դուրս գալ, բայց որտեղ գնում եմ այնտեղից դուրս չեմ գալիս, և եթե կան մարդիկ, որ ինձ դուր չեն գալիս, ապա մաքրում եմ իմ միջավայրը: Այս մասին մամուլի ասուլիսին ասաց ԱԺ «Ժառանգություն» խմբակցության անդամ Զարուհի Փոստանջյանը՝ պատասխանելով հարցին, թե հնարավոր է տարակարծությունների պատճառով դուրս գա «Ժառանգությունից»:
Ինչ վերաբերում է խմբակցության ներսում առկա մթնոլորտին, տարակարծություններին, ապա պատգամավորը նշեց, որ կուսակցությունն ունի իր ծրագիրը և այդ ծրագրով էլ առաջնորդվում է: «Ոչ մի մթնոլորտի վիճակ չկա»,- նշեց նա:
Անդրադառնալով եռյակի համագործակցությանը նա նշեց, որ դա ընդամենը փոքր համագործակցություն է, որը չունի միասնական օրակարգ: Նա նշեց, որ ինքը սպասում է արտահերթ ընտրություններին, որպեսզի ժողովուրդն ազատվի Սերժ Սարգսյանից: