Յակուտիայի պետական ժողովի նախկին պատգամավոր Ալեքսանդր Կռիլովը մահացել է Օյմյակոնի շրջանում արջի հարձակման հետևանքով։ Այս մասին Analitik.am-ը տեղեկանում է ՌԻԱ Նովոստիից, որն էլ հղում է անում քաղաքապետի ժամանակավոր պաշտոնակատար Իգոր Վոդովոզովին։
Նրա խոսքերով, նախկին պատգամավորի մահվան մասին լուրը հաստատվել է։
Նշվում է, որ Կռիլովն ընկերների հետ որսի է գնացել, երբ ճանապարհին հայտնվել է արջը, որին վերջինս գնդակահարել է։ Երբ Կռիլովը մոտեցել է սպանված արջին նրա վրա հարձակվել է մեկ ուրիշ արջ, որը հավանաբար գտնվել է մոտակայքում։
Ինչպես նշել է Վոդովոզովը, նախկին պատգամավորի դին տեղափոխվել է Տոմտոր:
