ՀՀ կառավարության որոշմամբ` Հարություն Սարգսյանը նշանակվեց Վայոց ձորի մարզպետ:
ՀՀ վարչապետ Հովիկ Աբրահամյանը շնորհավորեց Սարգսյանին և մաղթեց բեղմնավոր աշխատանք: «Պարոն Սարգսյան, հուսով եմ, որ կառավարության ու հանրապետության նախագահի հույսերը կարդարացնեք»,- ասաց վարչապետը:
Հարություն Սարգյանը ներկայում զբաղեցնում է Վայքի քաղաքապետի պաշտոնը, նախկինում եղել է Վայոց ձորի մարզպետի տեղակալ: Հայաստանի Հանրապետական կուսակցության անդամ է:
Վայոց ձորի մարզպետի պաշտոնը թափուր էր մնացել հոկտեմբերի 23-ից, երբ Էդգար Ղազարյանն ազատվել էր ու նշանակվել Լեհաստանում ՀՀ դեսպան:
