Քիմ Քարդաշյանը Հայաստանից հեռանալու է նոր գաղափարներով: Այս մասին հայտնի հայուհին հայտարարեց Մարզահամերգային համալիրում իր ելույթի ժամանակ:
Քիմը նշեց, որ Հայաստանում գտնվելու ընթացքում մի քանի գաղափար է ծնվել իր մոտ, որոնք նա մտադիր է իրականություն դարձնել:
«Հայաստանից ես հեռանալու եմ նոր մեծ գաղափարով: Մտածում եմ ստեղծել օծանելիք, որը կունենան հայկական ծաղիկների բույրը»,-ասել է Քիմը:
Քիմը կիսվել է տպավորություններով, որոնք ստացել է իր երկրորդ այցից՝ նշելով, որ անմոռանալի զգացմունքներ է ունեցել Էջմիածնում երեխաների մկրտության ժամանակ:
