Ազգային ժողովը հրատապ կարգով կքննարկի «Լեռնային Ղարաբաղի եւ Հայաստանի Հանրապետությունների անվտանգության ապահովման ռազմաքաղաքական հիմնադրույթների հայեցակետերի մասին» ՀՀ ԱԺ որոշման նախագիծը, որը ներկայացրել է ԱԺ «Ժառանգություն» խմբակցության պատգամավոր Զարուհի Փոստանջյանը: Այս մասին ԱԺ նիստի մեկնարկին տեղեկարցեց ՀՀ ԱԺ նախագահ Գալուստ Սահակյանը՝ ներկայացնելով քառօրյա նիստերի օրակարգը:
«Արտաքին հարաբերությունների մշտական հանձնաժողովը բացասական եզրակացություն չի տվել նախագծին, սակայն «Ժառանգություն» խմբակցությունն այն ճանաչել է հրատապ և ներկայացրել է խորհրդարանի քննարկմանը»,- նշեց Սահակյանը:
ԱԺ նախագահը տեղեկացրեց, որ «Լեռնային Ղարաբաղի եւ Հայաստանի Հանրապետությունների անվտանգության ապահովման ռազմաքաղաքական հիմնադրույթների հայեցակետերի մասին» ՀՀ ԱԺ որոշման նախագիծը կքննարկվի ընթացիկ քառօրյայի երկրորդ օրը՝ օրվա երկրորդ կեսին: