Երևանի պետական համալսարանում սոցիալական աշխատողի օրվան և ԵՊՀ սոցիալական աշխատանքի և սոցիալական տեխնոլոգիաների ամբիոնի գործունեության 10-ամյա հոբելյանին նվիրված համաժողով անցկացվեց: Համաժողովն իր մասնակցությամբ պատվել էր նաև ՀՀ վարչապետ Հովիկ Աբրահամանը, ով, ողջունելով ներկաներին, շնորհավորեց բոլորին սոցիալական աշխատողի օրվա կապակցությամբ:
«Սոցիալական աշխատողները մեր երկրում կարևոր առաքելություն են իրականացնում, ինչը պահանջում է մեծ կազմակերպվածություն, ջանքերի կենտրոնացում, երբեմն նաև գերլարում` hատկապես, երբ գործ ունեն երկրի առավել խոցելի բնակչության հետ: Դրան զուգընթաց այն պահանջում է նաև մարդկանց իրավունքների հանդեպ հարգանքի և հումանիզմի սկզբունքների վրա հիմնված հատուկ վերաբերմունք, ես կասեի՝ սրտացավ մոտեցում»,- նշեց վարչապետը: