ԱՄՆ Կոնգրեսի սենատի անդամները նախաձեռնել են պատժամիջոցներ սահմանել Թուրքիայի իշխանությունների և բարձրաստիճան պաշտոնյաների դեմ Սիրիայում ռազմական գործողություններ իրականացնելու համար։ Համապատասխան նախագծի փաստաթուղթը, որի վերաբերյալ համաձայնության են եկել ամերիկյան երկու կուսակցությունները, հրապարակել է հանրապետական Լինդսի Գրեմը թվիթերյան իր էջում։
Պատժամիջոցների շարքում, մասնավորապես, առաջարկվում է արգելել ռազմական համագործակցությունը Թուրքիայի հետ, բարձրաստիճան պաշտոնյաների նկատմամբ մտցնել վիզաների սահմանափակում, ինչպես նաև երկրի ակտիվների և էներգետիկ ոլորտի նկատմամբ կիրառել պատժամիջոցներ։
Վերջին պատժամիջոցները, մասնավորապես, կանդրադառնա ցանկացած օտարերկրյա քաղաքացու վրա, որը որևէ կերպ աջակցություն է ցույց տալիս բանակի կողմից օգտագործվող թուրքական վառելիքի և գազի արտադրությանը:
Առաջարկվում է թուրքական կողմի ռուսական С-400 զենիթահրթիռային համակարգերի գնումը ճանաչել օրենքի էական խախտում:
Հիշեցնենք, որ ԱՄՆ-ում հատուկ օրենք են ընդունել, որի շրջանակներում պատժամիջոցներ են կիրառվում այն երկրների ու կազմակերպությունների նկատմամբ, որոնք ռազմական ոլորտում համագործակցում են Ռուսաստանի հետ՝ որոշ բացառություններով:
Օրենքի դրույթներից ելնելով՝ այս խախտումն ինքնաբերաբար ենթադրում է պատժամիջոցներ Թուրքիայի դեմ։