ԱԺ նախագահը նիհար, ստամոքսի խոցով տղա էր, դարձավ ԱԺ նախագահ, լավ էլ լցվել է, քյավառցու ասած՝ կլավցել ա, լավացել է: Պարզվում է, որ մինչ այդ սնունդը վատ էր, իսկ հիմա սնունդը լավ է, անմիջապես չաղացել է: Լրագրողների հետ հանդիպմանն այսօր ասաց ԱԱԾ տնօրենի նախկին տեղակալ Գուրգեն Եղիազարյանը՝ խոսելով Արարատ Միրզոյանի մասին:
«1 սենյականոց բնակարանից անմիջապես գնացել է 4 սենյականոց բնակարան: Տեսեք հլը էտ տղեն ինչ պրոգրես է ապրում: Դե թող 800 հազար «ժող ջան»-ն էլ այդպես ապրեր էլի: Հիմա կինը թանկանոց մեքենա է առնում: Բա սա ո՞նց հասկանանք, ազնիվ բալեք, ձեր ասած էտ թավշյա հեղափոխությունն արեցիք, որ չաղ ու բախտավոր դառնա՞ք: Մինչև ե՞րբ»,-ասաց Եղիազարյանը:
«Երկու օր եք աշխատում, արդեն իսկ անդրադառնալու թեմա ունեք: Էս ժողովուրդը երբ անդրադարձավ, հերներդ անիծված է»,-հավելեց նա: