Սարատովում 9-ամյա աղջնակի սպանության մեջ կասկածվողը նախկինում մի քանի անգամ դատվել է տարբեր հանցագործությունների, այդ թվում նաև մանկապղծության համար:
Ռուսական լրատվամիջոցները գրում են, որ Միխայելն արտաքինից ոչ վտանգավոր մարդու տպավորություն է թողել՝ չի ծխել, թմրանյութ չի օգտագործել: Նա նաև դուստր ունի:
Հայտնվում է, որ այս գիշեր քաղաքացիները փորձել են ինքնադատաստան տեսնել ենթադրյալ մարդասպանի հետ:
Հարկ է նշել, որ ձերբակալվածն արդեն ինքնախոստովանական ցուցմունք է տվել և ասել, թե ինչու է դիմել այդ քայլին:
Տղամարդու խոսքերով, մի քանի ամիս առաջ ինքը մի ավտոտնակ է ֆիքսել, հասկացել է, որ այն «անտեր» է: Դրանից հետո փոխել է կողպեքն ու որոշել է այն վերցնել իրեն: Ճակատագրական օրը փոքրիկ Լիզան, ով անցնելիս է եղել այդ մասով, իբր հարցրել է, թե ում ավտոտնակն է դա: Ինքն էլ վախեցել է, որ «կբռնվի», դրա համար երեխային տարել է ավտոտնակ ու սպանել:
Քննչական աշխատանքները շարունակվում են:
