ՌԴ նախագահ Վլադիմիր Պուտինն Աշխաբադում հանդիպել է Թուրքմենստանի նախագահ Գուրբանգուլի Բերդիմուհամեդովի հետ և քննարկել այդ թվում նաև Aurus մակնիշի ավտոմեքենայի մատակարարումը։
«Մենք հայտ ենք ներկայացրել Aurus-sedn ավտոմեքենայի համար։ Կցանկանայինք գնել առաջին խմբաքանակը»,-ասել է Բերդիմուհամեդովը։
Ռուսաստանի առաջնորդը շնորհակալություն է հայտնել Թուրքմենստանի նախագահին ավտոմեքենայի մասին բարի խոսքերի համար։
Պուտինն ավելացրել է, թե գոհ է, որ Բերդիմուհամեդովին դուր են եկել Aurus-ները։
Բացի այդ, հանդիպման ժամանակ քննարկվել են Մոսկվայի և Աշխաբատի հարաբերությունները։ ՌԴ նախագահը նշել է, որ այս տարվա առաջին 7 ամիսներին երկրների միջև առևտուրն աճել է ավելի քան 62 տոկոսով։
