Նիժնեվարտովսկում մարտական շունը դպրոցի տարածքում հարձակվել է 3-րդ դասարանի աշակերտուհու վրա: Այս մասին հայտնում են ռուսական լրատվամիջոցները, որոնք նաև հրապարակել են տեսանյութը:
Երեխային օգնության է հասել ուսուցիչներից մեկը:
Ura.ru-ն հայտնում է, որ հարձակված շունը բուլտերյեր է:
Znak.com-ն իր հերթին գրում է, որ տուժած երեխաների թիվը հասնում է 3-ի, նրանք 10-11 տարեկան աշակերտուհիներ են: Ոստիկանությունից հայտնում են, որ երեխաները լուրջ վնասվածքներ չեն ստացել, շունը միայն ճանկռել է նրանց:
Շան տիրուհու ինքնությունը հայտնի է: Նա հայտնել է, որ մի պահ ուշադրություն չի դարձրել շանը, ինչն էլ թույլ է տվել կենդանուն դուրս գալ տանից: