Հոկտեմբերի 13-ին, ժամը 20:52-ին «911» ծառայություն ահազանգ է ստացվել, որ հրդեհ է բռնկվել Տավուշի մարզի Բերդ քաղաքի կենտրոնական հիվանդանոցի մոտակայքում գտնվող երկհարկանի տներից մեկում. ներսում մարդիկ կան: Այս մասին Analitik.am-ը տեղեկանում է ՀՀ ԱԻՆ-ից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ, որոնցից մեկն անհրաժեշտությունը վերանալու պատճառով վերադարձել է:
Պարզվել է, որ այրվում է Մանուկյան փողոցի տներից մեկի առաստաղը:
Հրդեհը մեկուսացվել է ժամը 21:20-ին, մարվել՝ 21:54-ին:
Այրվել է ննջասենյակի փայտյա առաստաղը՝ մոտ 4 քմ:
