Վիտալի Բալասանյանն իմ մարտական ընկերն է, հիմա էլ իմ ընկերն է ու ես նրա կողքին կանգնած եմ: Նա պատերազմի ժամանակ ազգին, հայրենիքին տվել է այն, ինչ կարողացել է: Այսօր՝ հոկտեմբերի 14-ին, լրագրողների հետ հանդիպմանը հայտարարեց «Թալին» ջոկատի հրամանատար Սարգիս Կարապետյանը:
Ինչ վերաբերում է Աշխաբադում Իլհամ Ալիևին տրված Նիկոլ Փաշինյանի պատասխանին գնահատական տալուն, Կարապետյանն ասաց, որ ինքը Նիկոլ Փաշինյանի ու նրա պատասխանի վերաբերյալ կարծիք չի ուզում հայտնել. «Ավեի լավ է թուրքերի ձեռքով կոտորվենք, քան՝ Նիկոլի ձեռքով փրկվենք: Նիկոլ Փաշինյանն ավելի վտանգավոր է, քան՝ Օսմանյան բոլոր բանակները միասին վերցված: Հոգեկան հիվանդ Նիկոլ Փաշինյանին բերել են, որ իր ձեռքով Հայաստանի վրա խաչ քաշեն, մեղքը բարդեն նրա վրա: Նույն իթիհադականների թոռներն են՝ առանց բացառության: Բոլորը՝ նախկին ու ներկա իշխանավորները: Ես իմ հասցեին շատ հայհոյանքներ եմ ստացել, բայց ես չեմ վիրավորվում: Մոլորված մարդիկ, ամենամեծ վտանգն են իրենց զավակների համար: Մեր ազգին Նիկոլը խաբեց: 30 տարի մեզ խաբում են»:
